el-Cinsu's-Salis
تأليف
يوسف إدريس
برولوج(يفتح الستار الأول على حجرة معمل الدكتور آدم. الحجرة جديدة حديثة وأجهزتها تمثل آخر
آدم :
كل تلاتين ثانية خدي قراية.
نارة :
أرصد النهاية العظمى والصغرى مع بعض، ولا الصغرى بس؟
آدم :
أنا امبارح قلت إيه؟
نارة :
قلت العظمى.
آدم :
خلاص تبقي ترصدي العظمى.
نارة :
بس النهاردة الصبح قلت لي الصغرى.
آدم :
آه. افتكرت. ارصدي الصغرى، صح.
نارة :
أنا بقى ح ارصد الاتنين لأني متأكدة إنك على بعد الضهر ح تكون غيرت
آدم (راميا إياها بنظرة جانبية) :
ما سمعتيش على الألسنة اللي زي الضوافر لازم كل شوية تتقص.
نارة :
وسمعت برضه على الناس اللي ما بيستلطفوش الحق لله في لله.
آدم :
كدة؟ طب انتي عارفة الحق، الحق بقى انتي إيه؟
نارة :
أنا مساعدة فنية درجة سابعة على سن ورمح.
آدم :
جايز، بس انت اسمك الحقيقي «لاب بوي» يعني صبي المعمل، ومن هنا ورايح مش ح اقول
نارة :
كل الأنوثة دي وصبي!
آدم :
عندك حق، كل الأنوثة دي لازم لأكبر من صبي، لراجل.
نارة :
يا دكتور آدم ، ما تحاولش تغيظني، ولا تعقدني ... أنا عندي ثقة تامة في نفسي، أنا
آدم :
ذنبها إيه صحيح، دا الشمس أنثى.
نارة :
طب ما أنا كمان مؤنث.
آدم :
فشر، دا انت قمر.
نارة :
ميرسيه.
آدم :
بالمناسبة القمر مذكر.
نارة :
والله لولا إنك رئيسي لكنت وريتك أنا أنثى ازاي.
آدم :
الحمد لله إني رئيسك. (نارة تفتح فمها إلى آخره وكأنها تهم بالصراخ، آدم يشير لها بيده
آدم :
ولو فيها رزالة ... ممكن تقفليه؟
نارة :
اسمع يا دكتور آدم.
آدم (مقاطعا) :
اسمعي انت، بعد خمستاشر ثانية بالظبط ح نبتدي، والقراية كل 30 ثانية، الأول
نارة :
علم ومخاصماك.
آدم :
آدي نتيجة إدخال المرأة في مجالات علمية خطيرة زي دي، ببساطة تيجي لك قبل
نارة :
دلوقتي مين اللي ...
آدم (مقاطعا بلهجة جادة جدا) :
15، 14، 13، 12، 11، 10، 9، 8، 7، 6، 5، 4، 3، 2، 1 ابتدي ... (يضغط على زر، يصدر عن الجهاز صوت وتصبح له تكة منتظمة.)
نارة :
13، 5.
آدم :
مش بطال.
نارة :
88، 1.
آدم :